బతుకు పోరాటం

అణువంత బ్రతుకున అడుగడుగు గండాలే
జానెడు పొట్టకై అనునిత్యంచేసే పోరాటం
అందలాలు ఎక్కాలని అడ్డుగోలు వ్యాపారం
తీరని ఆశల తీరానికై మనిషి ఆరాటం

కనుతెరుస్తూ మనిషిబతుకు మొదలు
అనునిత్యంరగిలే కోర్కెల సెగలలో కాలుతూ
అందని ఇప్సితాలవెంట మొదలాయే పయనం
ఒడిదుడుకుల సంద్రంలో జీవితనౌక చేరేదెలా తీరం

కడుపుమంటకై ఒకరు కాసులకై ఒకరు
కుర్చీల వేటలో ఒకడు సాగించే జీవితపోరాటం
కానల మృగాలైన తప్పని ఈ నిత్యపోరాటం
దేవునకిది జీవులనాడించే కేళీవినోదం

– వింజరపు.శిరీష