శిశిరం

అలలు లేని సాగరాన్ని చూడాలని కాంక్షించా..
మధురమైన వసంతాలు నావంటూ నే తలిచా..

కానీ అగాధాలు తప్పవనీ
ఆటుపోట్లు ఆగవనీ
అలలే ఆ సంద్రపు అందమనీ

కలలే జీవితాన సాధనాలని
ఆ శిశిరం వెనువెంటనే వసంతం వికసించునని
ఏ బాధను మది పొందిన
క్షణికాలమే అవి అన్నీ సంతోషపు రాకలనే

కనుగొన్నా
కనుగొన్నా
ఆ విజయపు నగారాని
వాయిస్తూ
వాయిస్తూ

ఈ నదీజలపు ప్రశాంతతను నాలోనే దాచుకున్నా..

వరూధిని