సంగీత మహత్యం

రాగాల సరాగాలు పలికించే సుమధుర ఝరి
ఆస్వాదిస్తే అమృతమయం

అహ్లాదానికి అంతులేనిది
సప్త స్వరాలతో
వీనులవిందు చేసే సప్తవర్ణాల వేడుకే

హుషారు గానాల ఆనందం ఉప్పొంగే ఉత్సాహం
శబ్ద భావాల చాతుర్యం
సుస్వరాల మనోల్లాసం

ఒంటరితనాన్ని వదిలించి అనుభూతులను
పరికించేదే సంగీతసముద్రం

మైమరిపించే పారవశ్యం
అమూల్యమైన రాగాల శక్తి
చిందులేసే సంబరాల్లోనూ సుతిమెత్తనిస్తుతులుగాను

గలగల పారే సెలయేరల్లే
రంజింపచేసే
గానామృతాలు

హృదయ భావాల ఉబలాటాలు కాలాన్ని కరిగించే కరుణరసం సంగీతం మహత్యం

లాలి పాటల లాలనలు
ప్రణయగీతాలాపనలు
దైవాన్నిసైతం అలవోకగా
ఆలకింప చేసే మాధుర్యం

జగత్తులోని గమ్మత్తులో
సంగీత పారవశ్యంలో
రాతిగుండెనయినా
కరిగి అందరూ మునిగి తేలేవారే అదే అద్భుతమైన సంగీత మహత్యంమరి ….

– జి జయ