సాయిచరితము

పల్లవి
నీ దివ్య రూపమ్ము
కలలోన గాంచితే
కలతలే ఉండవు
కాంక్షలే తీరును
కనిపించరావా
సాయిమహదేవా

చరణం
బాధలన్నియు మావి
తెలియనిది కాదా
తెరతీసి రావయ్యా
తెరిపి మాకియ్యగా
అదుపు తప్పిన మనసు
అర్థించె నిన్ను
కుదుపులతో కాలమే
భయపెడుతు ఉన్నది

చరణం
కూరిమి ఓరిమి మాకియ్యవయ్యా
మా బతుకులోన మార్పు తేవయ్యా
మమతనే పంచుతూ కష్టాలు తీర్చుతూ
కదిలి రావయ్యా ఓ షిరిడీవాసా
నిను నమ్మినాము
నిను కొలిచినాము
మా అండనీవనుచు
మాస్వామి నీవనుచు

చరణం
నీ నామ స్మరణయే నిత్యమూ చేసి
తృప్తినే మేము పొందినామయ్యా
నీ చరితమే చదివి నేర్చినామయ్యా
నీ తత్వమే మాకు తెలిసినది సాయీ
నీ శరణు కోరితే ఆపదలు రావని
నీ ప్రేమ పంచితే బతుకే మారునని
తెలిసింది సాయి..
మనసు మురిసింది సాయి

-సి.యస్.రాంబాబు