నెత్తుటి నది

దేహపు మహారణ్యంలో ఆణువణువు కదిలి

రక్తం సముద్రమై ప్రవహించినప్పుడే నువ్వు అక్కడినుండి పుట్టేది.

మర్మాంగాలు నిలబడంగానే మాట్లాడడం కాదురా….

నీ అమ్మనడుగు నువ్వు ఎక్కడినుండి పుట్టావో పక్వానికొచ్చిన దేహపు

మడతల్లో రక్తపు కదలిక నెల నెల అబద్దం కాదు.

ఆ జీవపు ప్రయాణాన్ని ఆపడానికి తరతరాలుగా

కాళ్ల సందుల్లోంచి పారే నెత్తుటి నదుల్లో ఈదాకే కదా నీకో ప్రాణమొచ్చింది..

స్త్రీ రక్తపు నదుల్లోకి దూకి

ఆత్మార్పణ చేసుకున్నపుడే

జాతికి విముక్తి…..

-గురువర్ధన్ రెడ్డి