జీవితానికి తొలిమెట్టు

అమ్మ జీవితానికి తొలిమెట్టు.
దైవం అన్నిచోట్లా ఉండలేక
సృష్టించాడు మన అమ్మను.
ఆమెను ఇబ్బంది పెడితే
క్షమించడు ఆ సృష్టికర్త.
పరలోకంలో దేవుని కృప
పొందాలంటే ఇహలోకంలో
అమ్మ ఆశీస్సులు కావాలి.
ఆమె ఆశీస్సులుంటే చాలు
కష్టాల కడలిని ఈదేయవచ్చు.
హిమ నగాన్ని ఎక్కేయవచ్చు.
ఆకాశానికి నిచ్చెన వేయవచ్చు.
కొండల్ని పిండి చెయ్యవచ్చు.
అనుకున్నవి సాధించవచ్చు.
ఆమె ఆశీస్సులు శక్తివంతం.
అవి లేని బ్రతుకు నిరర్ధకం.

-వెంకట భానుప్రసాద్ చలసాని