చలిమంట

చలిమంటలా జ్ఞాపకాలు
జ్వలిస్తుంటే
ఆవలిస్తున్న మనసుకు కీ ఇచ్చి
రివైండ్ మోడ్ లో ఉంచాను

కుప్పపోసినట్టు పాతవాళ్ళందరు
ఒక్కచోట చేరిన అనుభూతి!
కాలం పుప్పొడిలా కంటతడి
కానుకై గుండె నిమురుతోంది

కట్టె కాలిపోయాక బూడిదైపోయిన ఈ ‘నేను’
ఎవరిని చూసి మాట్టాడుతుంది
బతుకు పరిమళాన్ని పారబోయటం
మానేసి
బంధాలను నేయటం చివరిలోన్నా నేర్చుకుందాం
తప్పొప్పుల చిట్టాను చలిమంట చేద్దాం

– సి. యస్ .రాంబాబు